THE BIRTH OF PREHISTORY - Presentacion pel public anglofòn

Pel public american del Festenau ARKHAIOS als Estats-Units, Sofia Cattoire explica - dins la lenga de Shakespeare - la rason d'èsser del film « THE BIRTH OF PREHISTORY » que serà projectat en dobertura dijòus 19 d'octobre a 1 ora, ora de New-York.

Aquela intervencion fuguèt enregistrada a la Ciutat de la Preïstòria del Grand Site de França de l'Aven d'Ornhac, en Ardecha que, dins l'encastre de la Fèsta de la Sciéncia 2017, aviá convidat la realisatritz a venir presentar son film : LA NAISSENÇA DE LA PREÏSTÒRA. Gràcia a sa museografia, en fasa amb los progrès fulgurants de la recèrca, la Ciutat de la Preïstòria balha a veire lo treslús e la diversitat de las societats del Paleolitic, que se acceptèt l’existença fa tot juste 150 ans. Un escrinh ideal per presentar nòstre film que precisament retraça aquel episòde màger de l'istòria de las sciéncias : la reconneissença vèrs 1850 de l'ancianetat de l'òme e l'emergéncia, de per lo fach, d'una tota joina sciença, la de la Preïstòria que, de son biais, butís cada jorn mai fòrt tots los mites d'origina imaginats per los òmes de per abans.



FERRASSIE TV
presenta

NÒSTRA COLLECCION DE FILMS

Per veire la Preïstòria del dedins

FERRASSIE TV