NEANDERTAL - LE RETORN

Un documentari de Sofia Cattoire
Temps 50 minutes

Amb per òrdre d’aparicion :
Cedric Beauval, Tierrí Bismuth, Danís Mézard, Brunò Maureille, Joan-Loís Heim, Ives Coppens, Alan Turq e Ròsalina Mons.

En 1908, los abats Joan e Amadèu Bouyssonie descobrisson dins una cauna en Corresa la esqueleta galharda e fòrt plan conservada d’un òme de Neandertal. L’afar fach grand bruch car los dos abats describon una fòssa e de las ofrendas, doncas una sepultura que rapèla la del cementèri tot pròche. Pr'aquò, a l’epòca, l’òme de Neandertal es tengut pels sabents per un gorilla ameliorat, aquel famós anèl mancant entre lo monard e l’òme que, òm zo sap dempuèi, a jamai existat.

A l’ocasion del Centenari de sa descobèrta, lo 3 d'agost 2008, lo fossil original del famós Neandertal aguèt la permission de dintrar al país. Sa preciosa veirina fuguèt portada per los vilatgés juscas dins la capèla amb fòrça emocion. « Èra pas mai un fossil, èra un vièlh de chas nos que nos aviá demandat de lo portar dins la Glèisa. Enfin, òm lo reconeissiá en tant qu’òme, coma un vièlh de nòstra tèrra. » Un simbòl, lo d’una reabilitacion, obtenguda aprèp un sègle de recèrca assidua, contada dins aquel film per los melhors especialistas d'aquel òme preïstoric, tornat a grand pena demest nosautres.