LA NAISSENÇA DE LA PREÏSTÒRIA

Un film de Sofia Cattoire
Partida 1 : 64 minutas
Partida 2 : 73 minutas

Al sègle de Napoleon, l’arribada de Cròs Manhon vai greument bolegar nòstres mites d’origina. Rèire longtemps reprimit, dobrirà sens vergonha las pòrtas de l’Evolucion, tornant plaçar l’òme dins la granda aventura del viu e del còp lo caçant del pedestal ont s'èra el-meteis auçat. La Naissença de la Preïstòria al mitan del sègle XIX acciona un basculament paradigmatic màger que seriá grand temps d’assimilar : l’òme es un mammifèr, primat, bipède, complètament dependent de son environament e non un èsser suprèm creat a l’image de Dieu per tot mestrejar, sens la mendra consideracion pel monde vegetal e animal sonque devolut a lo contentar. D'aquela presa de consciéncia depend nòstra subrevita.

Sus la piada dels precursors del sègle XIX : Jacme Boucher de Perthes, Enric Christy e Audoard Lartet, guidats per nòstres preïstorians de uèi : Marilèna Patou-Mathis, Joan-Jacme Hublin, Francés Bon, Joan-Luc Locht, Joan Clottes, Ives Coppens, Brunò Maureille e Joan-Pèire Chadelle, vos convidam a tornar viure la tumultuosa naissença de la Preïstòria començament d’una revolucion totjorn en marcha, e mai que jamai salutària.