|
|
L'autor realizator
FERRASSIE TV : maison de produccion « preïstorica »Basada al dessús del celèbre jaç preïstoric de La Ferrassiá en Dordonha, FERRASSIE TV es una entrepresa d'edicion de premsa en linha e de produccion de films documentaris. Botam en linha lo magazin d'informacion www.albuga.info. Es publicat en francés, en anglés e en occitan. Aquel magazin es mai que mai consacrat a las avançadas de la recèrca en preïstòria e a las questions environamentalas las mai actualas. Consideram en efièch que descobrir los mondes engolits dels pretenduts « Atges ferotges » es un biais de se tornar connectar a de fòrmas d'armonia e d'equilibre amb nòstre ecosistèma, la Tèrra, qu'avèm perdudas e que nos cal tornar trobar per assegurar nòstra subrevida. Avèm entreprés dins aquela optica una colleccion de films per veire la Preïstòria del dedins. Es d'ara en davant traduzida per la realizacion de la trilogia "Dans ma Peau de Bête / In my Animal Skin" que tracta torn a torn de l'art de las caunas, de l'esplech preïstoric e de l'origina de l'òme. Tre lo començament, aquela trilogia nos valguèt lo sosten actiu de la revista Sciences et Avenir que faguèt conéisser lo primièr opús dins l'Euròpa francofòna, en l'editant sus DVD dins son numerò consacrat a las novèlas istòrias de l'òme. B Es estada saludada al fial del temps per nombroses prèmis dins los festenals :
Aquels films balhan l'ocasion d'organizar, en preséncia de scientifics engatjats, de vertadièras seradas ciné-debat, tant las questions que abordam tòcan al còr e al mai prigond, los òmes, las femnas e los dròlles uèi. En qualquas annadas avèm capitat a tocar lo grand public pel costat umaniste e portaire d'avenidor de nòstres films, labellizats COP 21, en tot obténer la reconeissença dels scientifics los mai eminents. Lo Professor Ives Coppens, Joan-Jacme Hublin, Joan Clottes, Marilèna Patou-Mathis e plan d'autres se son atal clarament engatjats a nòstres costats dins la quèsta de nòstras originas, tèma del tresen opus de nòstra trilogia titulada : "La Naissença de la Preïstòria". Gàcia a aquel accès privilegiat al còr de la recèrca que concèrna aquel pan gigantesc de l'istòria de l'umanitat, nòstra Preistòria, contunham la produccion de documentaris de creacion al mai prèp de las descobèrtas inedichas que restituïsson valentament los preciós archius de l'esbleugissenta aventura del viu.
Sofia Cattoire 
LO DARRIÈR PAÍSAN PREÏSTORIAN 
Sei nascuda a Lille, ai frotjat en Dordonha e ai estudiat a Bordèu ont ai daverat mon DUT de jornalisme en 1984. Ai volgut èsser jornalista per anar pertot, veire, escotar, apréner per ieu-meteis. Mon universitat, en vertat. Me sei formada sul terren, al dintre del malhum França 3, ont aprenguèri a trabalhar a caud, en equipa, al contact d'excellents professionals. Ai plan viatjat, dins los países e dins los univèrs. Sei estada chucada sovent per lo tristum e lo desespèr e de còps tanben per la calor e la luminozitat de qualques agachs. Ai puèi, en tèrme d'evolucion de carrièra, volgut utilizar mas competéncias per realizar de films documentaris per passar mai de temps amb aquels èssers, que sabon me balhar l'enveja de contunhar. Mon luxe, viure amb els, o gaireben, tot lo temps necessari. Escriure amb ma camerà, de brolhons, segur, mas tanben préner d'un còp aquels moments sens artifici quand tot es perfièch. L'estructura ont aquel apròchi intim, tendre e respectuós se debana s’apèla Ferrassie TV, ostal de produccion en Perigòrd negre. Ma bòta secreta, l’enquèsta jornalistica al long cors, sul terren, pertot ont ai besonh d’anar. Noirís lo magazin d’informacion sul web titulat www.albuga.info e mon imaginari. M’assabentant en permanéncia avanci, apròchi mos subjèctes en prigondor. Lo primièr film documentari eissit d'aquel apròchi es un long camin al fial dels meses, de las sasons, de las annadas, per restituar l’umor e la glòria d’un òme ben : LO DARRIÈR PAÍSAN PREÏSTORIAN, aquò's el, e a cada còp que presentam aquel film ensemble, es esbleugissent dins son costume del dimenge, saluant la fola coma al Torn de França. « Lonh del caòs, de las farivòlas, sès mon eròi dins ta cauna. » Li rendi omenatge. Los dròlles, las femnas, los paísans, los preïstorians, tots venon lo potonar quand la lumièra tòrna. Ai fach mon trabalh de passaire. Ai daissat la piada de qualqu’un de ben sus nòstra Tèrra. E compti pas m’arrestar aquí. Sofia Cattoire
A l'esgard del trabalh jornalistic entreprés per botar la Preïstòria a la portada de tots,
Sofia Cattoire es estada elegida "Femna de l'annada"
dins la categoria Cultura e Patrimòni pel Club de la Premsa de Dordonha.
Una reconeissença de sas consòrres e confrairs que acompanhan son percors de realisatritz
de films documentaris amb una seguida e un seriós de remarcar.
|
|||||||||||||||||||||||||||||||||||||||||||||||||||||||||||||||||
