Synopsis

A partir d’excepcionalas colleccions d’objèctes preïstorics, dos òmes modèrnes, coronats de succès professionals e çaquelà en quista de sens, van fabricar una tièra limitada de pichons cofrets titolats "musèus de pòcha" que seràn tant de miras per nos balhar de referéncias tangiblas dins l’istòria de l’umanitat, que recula au fur e a mesura qu'òm se'n apròcha. Entau van arribar al dessenh, a la sintèsi e coma aquò, al partatge d’un saber gràcia auqual cadun d’entre nosautres podrá d'un biais jubilatòri se sentir « tot pelut de sas raices », lo bonaür sobeiran tal que descrit per Joan Giono dins son òbra maja : "Les vraies richesses". Aquela vision de cinc pichons cofrets qu'acampan çò que fuguèt necessari e sufisent a l'umanitat per traversar tres milions d’annadas es l'image central de la scèna finala d'aquel film, la que benlèu saurem gardar per soscar pus tard e en d’autras circonstàncias a las vertadièras richessas e als faus besonhs.

Un Castèl Trevat per la Preïstòria un film de Sofia Cattoire amb Claudi Douce e Joan-Luc Piel-Desruisseaux mage : Sofia Cattoire - Carlos Chapman - Vincenç Lesbros Montatge : Sofia Cattoire Benda son originala : « Long Story Short » de Vincenç Lesbros Convocar l’abséncia e captar las preséncias Dempuèi longtemps, dins lo secret d’un castèl Grand Sègle, Claudi Douce e Joan-Luc Piel-Desruisseaux tòrnan trobar lo seriós qu’avián mainatges quand jogavan. Entre lors mans embalausidas, un prodigiós tresaur preïstoric demanda nonmàs parlar. A cada novèla pèça, se fan un film onte desfilan los aujòls sortits d'aquel Grand Passat sens arquius, nòstra imprevisibla Preïstòria. Tots dos convòcan l’abséncia e captan de las preséncias. Entau Claudi Douce, publicitari d'engeni, proprietari del Castèl-Musèu de Sauvabuòu a Aubàs e Joan-Luc Piel-Desruisseaux, cirurgian de profession, paleontològ de còr, autor d’obratges de referéncia sus l’esplech preïstoric, complissan dins la jubilacion e l’amistat lor granda mission : sauvar e numerizar las pus ancianas colleccions, las de la naissença de la Preïstòria aquò fai cent cinquanta ans en Perigòrd Negre.

COMANDATZ LO FILM EN DVD VIDEÒ

Avèm pas de rason de getar la pèira a l’Umanitat En complement de programa sul DVD, lo Professor Ives Coppens descriu tota l’istòria de l’Òme dempuei sas originas que son a l'ora d'ara en Africa, aquò fai 3 milions d’annadas. Evocant la naissença de sa vocacion e sa prigonda afeccion per nòstra espècia, lo Professor Coppens nos revèla son indefectibla fe en l’Òme e en sa capacitat de contunhar de s'adaptar sus la planeta Tèrra. Un messatge d’autant mai reviudaire que ven del paleontològ e paleoantropològ lo mai aimat dels Francés. Bonús Exclusiu Lo Professor Ives Coppens descriu l’istòria de l’Òme dempuèi sas originas e nos revèla sa prigonda fe en l’Òme. Libret pedagogic enclús Los esplechs preïstorics contenon lo desir e lo geste, la pensada e l’accion. Jamai pus los agacharetz del meteis biais.

Joan-Luc Piel-Desruisseaux e Claudi Douce estúdian las colleccions del inventors de la Preïstòria

FERRASSIE TV produccion merceja sos partenaris :

• Sélection Officielle du Festival du Film d'Archéologie d'Amiens 2014
• Prix du meilleur film pour l'approche originale au Festival Objectif Préhistoire du Pech Merle 2014

Copyright © FERRASSIE TV 2013 - tous droits réservés